Գործունեության ոլորտ

«Գրին քարտեր» ընտանիքների և աշխատողների համար։

Ընտանեկան և աշխատանքային հիմքով մշտական բնակություն՝ առաջին միջնորդագրից և անհրաժեշտ ներումներից մինչև վերջնական հարցազրույցը կամ հյուպատոսական ընթացակարգը։

Վերանայել է՝ Արեգ Ղազարյան · Վերջին վերանայումը՝ 04 նոյեմբերի, 2026 թ.

Խոսեք փաստաբանի հետ

(818) 265-1920

Գաղտնի խորհրդատվություն անգլերենով, իսպաներենով և հայերենով։

  • Ընտանեկան հիմքով միջնորդագրեր

  • Կարգավիճակի ճշգրտում և հյուպատոսական ընթացակարգ

  • Ներումներ՝ I-601, I-601A, I-212

  • Աշխատանքային հիմքով մշտական բնակություն

Ընտանեկան հիմքով «գրին քարտեր»

ԱՄՆ քաղաքացիները և մշտական բնակիչները կարող են միջնորդագիր ներկայացնել որոշ հարազատների իմիգրացիայի համար։ Մենք պատրաստում և ներկայացնում ենք ընտանեկան հիմքով ամբողջական գործը և խորհրդատվություն ենք տալիս յուրաքանչյուր դիմումի համար անհրաժեշտ բոլոր փաստաթղթերի և ապացույցների վերաբերյալ։

  • I-130 միջնորդագրեր ամուսինների, երեխաների, ծնողների և քույրերի ու եղբայրների համար

  • Նշանածի համար միջնորդագրեր

  • Կարգավիճակի ճշգրտում արդեն Միացյալ Նահանգներում գտնվող հարազատների համար

  • Հյուպատոսական ընթացակարգ Միացյալ Նահանգներից դուրս գտնվող հարազատների համար

Ներումներ

Իմիգրացիոն օրենքների նախկին խախտումները, առանց օրինական կարգավիճակի անցկացրած ժամանակը կամ նախկին արտաքսումը կարող են խոչընդոտել «գրին քարտ» (մշտական բնակության քարտ) ստանալուն, եթե նախապես ներում չի հաստատվել։ Ներման հաստատումը կախված է ապացույցներից և նրանից, թե որքան լավ են փաստաթղթավորված Ձեր ընտանիքի համար առաջացող ծանր հետևանքները։

  • I-601 անընդունելիության ներումներ

  • I-601A անօրինական գտնվելու նախնական ներումներ

  • I-212՝ արտաքսումից հետո կրկին դիմելու թույլտվություն

  • I-602 ներումներ

Աշխատանքային հիմքով մշտական բնակություն

Մենք օգնում ենք գործատուներին, որոնց անհրաժեշտ է մշտական աշխատանքի ընդունել օտարերկրյա աշխատողների։ Այդ գործընթացը սկսվում է ԱՄՆ աշխատանքի նախարարությունում հաստիքի հավաստագրմամբ, այնուհետև մենք աշխատում ենք գործատուի և աշխատողի հետ՝ իմիգրացիոն օրենքներով և կանոնակարգերով նախատեսված յուրաքանչյուր քայլում, մինչև աշխատողը ստանա մշտական բնակության կարգավիճակ։

Երբ կառավարությունը լրացուցիչ պահանջներ է ներկայացնում

Եթե USCIS-ը լրացուցիչ ապացույցների պահանջ կամ մերժելու մտադրության մասին ծանուցում է ուղարկում, մենք պատրաստում ենք պատասխանը։ Երբ գործը կանգ է առնում, մենք կապվում ենք համապատասխան իմիգրացիոն մարմինների հետ՝ չլուծված հարցը կարգավորելու համար։

Հաճախ տրվող հարցեր

Կարո՞ղ եմ «գրին քարտ» (մշտական բնակության քարտ) ստանալ՝ առանց Միացյալ Նահանգներից մեկնելու։

Որոշ մարդիկ կարող են իրենց կարգավիճակը ճշգրտել այստեղ, մյուսները պետք է գործընթացն ավարտեն արտերկրում գտնվող ԱՄՆ հյուպատոսությունում, երբեմն՝ ներման հաստատումից հետո։ Դա կախված է նրանից, թե ինչպես եք մուտք գործել երկիր, և Ձեր իմիգրացիոն պատմությունից։ Մենք Ձեզ ասում ենք, թե որ ճանապարհն է կիրառելի Ձեր դեպքում, նախքան որևէ փաստաթուղթ ներկայացնելը։

Ի՞նչ անել, եթե նախկինում արտաքսվել եմ կամ իմիգրացիոն խախտում եմ թույլ տվել։

Դա դեռ կարող է հնարավոր լինել, սովորաբար՝ ներման միջոցով, օրինակ՝ I-601, I-601A կամ I-212։ Այսպիսի գործերը մանրակրկիտ նախապատրաստում են պահանջում, ուստի խոսեք մեզ հետ, նախքան որևէ դիմում ներկայացնելը կամ ճամփորդելը։

Իմ դեպքն այստեղ նշված չէ։ Կարո՞ղ եք, այնուամենայնիվ, օգնել։

Հավանաբար՝ այո։ Այս ցանկը ընդհանուր է և սպառիչ չէ։ Զանգահարեք գրասենյակ, և մենք կասենք, թե արդյոք կարող ենք օգնել Ձեր իրավիճակում։

Պատրաստ ենք, երբ Դուք պատրաստ լինեք։